Martedì 8 giugno i Geometri di Caltagirone, hanno organizzato un pranzo di ringraziamento e riconoscimento per il Geom. Giuseppe Giannotta. Egli, per tutti i geometri della provincia e non solo è stato la "pietra miliare" per oltre un quartodi secolo. Qualche giorno dopo, il Geometra neo pensionato, ha fatto pervenire una poesia intitolata "Cena". Nel manoscritto sono presenti oltre ai ringraziamenti a tutti i Colleghi presenti, le dovute riconoscenze nei confronti d'amico fraterno "Nello". 
     Sperando di fare cosa gradita, si pubblica la poesia anzidetta in versione integrale.

 

……Cu tantu amuri!

Puisia dedicata all’amici stritti e a chiddi di Cattagiruni

Ca li riordu sempri cu tantu affettu.

 

 A lu cuspetttu di sta tavulata,

cu lu cori strittu dall’emozioni,

cantu all’amici sta sirinata

e lu fazzu ora, ca ma trovu in pensioni.

La vuci è rutta di lu chiantu,

la menti si jnchi di pinseri,

cettu di tempu ni passau tantu,

ca lu primu jornu già mi pari ajeri.

Ricordu li maestri e li compagni;

pensu di lu Catastu l’avvinturi,

riviru l’amici veri e li compagni,

li milli stazioni fatti e li sururi.

 

Tannu era lu tempu di la primavera,

e di sprimenti fatti a dismisura,

chiddi cettu sunu la patti vera

di lu vecchiu Catastu di prima manera.

Doppu, vinni n’a menti gluriusa,

ca non n’aveva nenti a chi pinsari.

pigghiau lu tempu e cu na scusa,

lu Catastu anticu si misi a riminari.

E di lu Catastu vecchiu di centenni,

cunzannu a pocu a pocu sta salata,

sempri sicuru di non fari danni,

di fattu cumminau sta frittata.

Ora ca semu filici e chini dall’alligria

di sta bedda rinisciuta cu lu bottu,

ammiscati n’a truvamu na st’Agenzia

e di stu fattu, pi tanti genti non ci fu cunottu.

 

Cettu ca la me strada  non fu sempri ritta,

pi cuppa di qualce miriusu dilinquenti,

ma cu tanta vuluntà tirai la me carritta,

sparratu sempri di sà brutta malaggenti.

Sulu lu cunfortu di l’amici boni e a menti sana,

cu tanti sacrifici fatti e franciscana pasienza,

aspettai ca passassi, cu lu tempu, sta buriana,

cuntinuannu la me strada cu cuscenza.

Doppu la timpesta vinni lu tempu bellu,

la fini di lu “Jaddinazzu e di lu scuru,

e cu l’aiutu fraternu di l’amicu Nellu,

tunnaj a galla a passu rittu e fari sicuru.

Stu fattu fu maluvistu dalli fini dilinquenti,

stanti lu me ritornu all’antica fama,

di chissu di sicuru n’arristanu cuntenti,

pi lu fallimentu  di la priparata trama.

 

Di la me storia non vi vogghiu chiù stancari,

all’amici, sulu cosi belli vogghiu diri;

 di sti puttati ca difattu n’ avemu a mangiari

cu piaceri e alla faccia di cu non ci criri.

Ora vi stringiu fotti n’da lu pettu,

sempri cu rispettu,   salutannu rivirutu,

lu fazzu sempri ccu trasfortu e tantu affettu,

facennu finta ca di fattu non mi n’aju jutu.

Catania lì 27 Aprile 2010

Il vostro sempre fraterno amico

                                          (Pino Giannotta)